அனுமதி சீட்டு இல்லாமல் மீன் பிடிக்க சென்ற 5 பேரை இலங்கை கடற்படையினர் ராமேஸ்வரம் கடற்படை அதிகாரிகளிடம் ஒப்படைத்துள்ளனர்.
ராமநாதபுரம் மாவட்டம் ராமேஸ்வரம் பகுதியில் உள்ள மண்டபத்தை சேர்ந்த 5 மீனவர்கள் மீன் பிடிக்க நடுக்கடலுக்கு சென்றுள்ளனர். அப்போது இலங்கை கடற்படையில் ரோந்து பணியில் ஈடுபட்டிருந்தபோது நடுக்கடலில் படகில் இருந்த மீனவர்களிடம் விசாரணை நடத்தியுள்ளனர். இதனையடுத்து மீனவர்களிடம் மீன் பிடிப்பதற்கான அனுமதி சீட்டு மற்றும் மீனவர் அடையாள அட்டை கேட்டுள்ளனர். இந்நிலையில் அடையாள அட்டை மற்றும் அனுமதி சீட்டு இல்லாமல் மீன் பிடிக்க வந்தது தெரியவந்துள்ளது.
இதனைதொடர்ந்து கடற்படையினர் 5 மீனவர்கள் மற்றும் அவர்கள் சென்ற படகையும் மீட்டு ராமேஸ்வரம் கடற்படை முகாமிற்கு அழைத்து சென்றுள்ளனர். மேலும் மண்டபம் மீன்துறை அதிகாரிகளுக்கு தகவல் அளிக்கப்பட்டு 5 மீனவர்களையும் அதிகாரிகளிடம் ஒப்படைத்துள்ளனர். இதனையடுத்து மீன்துறை அதிகாரிகள் விசாரணை நடத்தி அனுமதி சீட்டு இல்லாமல் மீன் பிடிக்க சென்ற 5 மீனவர்களின் விசை படகுக்கான அனுமதி சீட்டு மற்றும் மானிய டீசலை தற்காலிகமாக நிறுத்தி வைத்துள்ளனர்.