குளித்து கொண்டிருந்த பெண்ணை வீடியோ எடுத்த குற்றத்திற்காக ஆட்டோ டிரைவரை காவல்துறையினர் கைது செய்துள்ளனர்.
வேலூர் மாவட்டத்தில் உள்ள விருதம்பட்டு பகுதியில் கல்லூரி மாணவி ஒருவர் வசித்து வருகிறார். அதே பகுதில் ஆட்டோ டிரைவரான அடன்சை என்பவரும் வசித்து வருகிறார். இந்நிலையில் இந்த கல்லுரி மாணவி இரவு நேரத்தில் குளித்துக் கொண்டிருந்தபோது, மொட்டை மாடியில் நின்றுகொண்டு ஆட்டோ டிரைவரான அடன்சை அதனை செல்போனில் வீடியோ எடுத்துள்ளார். இதனை பார்த்ததும் அதிர்ச்சி அடைந்த அந்த மாணவி சத்தம் போட்டுள்ளார்.
இவரின் சத்தத்தை கேட்டு அக்கம்பக்கத்தினர் விரைந்து வருவதற்குள் ஆட்டோ டிரைவர் மாடியில் இருந்து கீழே குதித்து அங்கிருந்து தப்பி ஓடிவிட்டார். இது குறித்து மாணவியின் பெற்றோர் காவல் நிலையத்தில் புகார் அளித்துள்ளனர். அந்த புகாரின் பேரில் வழக்குபதிவு செய்த காவல்துறையினர் ஆட்டோ டிரைவரை கைது செய்து விசாரணை மேற்கொண்டு வருகின்றனர்.