எதற்கும் துணிந்தவன் படத்தை தொடர்ந்து… புதிய படத்தில் நடிக்க போகும் சூர்யா..!!

நடிகர் சூர்யா புதிய படம் ஒன்றில் நடிக்க திட்டமிட்டு இருப்பதாக தகவல் வெளியாகியுள்ளது.

தமிழ் சினிமாவில் முன்னணி நடிகர்களுள் ஒருவர் சூர்யா.. இவருக்கென்று தனி ரசிகர் கூட்டமே இருக்கிறது.. கடைசியாக இவர் நடிப்பில் வெளியான ‘சூரரை போற்று’ படம் மாபெரும் வெற்றி பெற்றது.. தற்போது பாண்டிராஜ் இயக்கும் படத்தில் நடித்து வருகிறார் சூர்யா. இப்படத்திற்கு  ‘எதற்கும் துணிந்தவன்’ என்று பெயர் வைக்கப்பட்டுள்ளது.. இதன் படப்பிடிப்பு தற்போது இறுதி கட்டத்தை எட்டியுள்ளது.

இப்படத்தை தொடர்ந்து வெற்றிமாறன் இயக்கவிருக்கும் ‘வாடிவாசல்’ என்ற படத்தில் சூர்யா நடிப்பார் என்று எதிர்பார்க்கப்பட்ட நிலையில், வெற்றிமாறன் தற்போது சூரி ஹீரோவாக நடிக்கும் விடுதலை என்ற படத்தை இயக்கி வருகின்றார். எனவே இந்தப் படத்தை முடித்து விட்டுத்தான் வாடிவாசல் பட பணிகளை தொடங்க இருக்கிறார் வெற்றி மாறன்..

எனவே அதற்கு முன்னதாக புதிய படம் ஒன்றில் சூர்யா நடிக்க திட்டமிட்டு இருப்பதாகவும், இந்த படத்தை சிவா இயக்க இருக்கிறார் என்று தகவல் வெளியாகியுள்ளது.. தற்போது சிவா இயக்கிய ரஜினியின் ‘அண்ணாத்த’ படம் முடிவடைந்து தொழில்நுட்ப பணிகள் எல்லாம் நடந்து வருகின்றன. ரஜினி, குஷ்பூ, மீனா, கீர்த்தி சுரேஷ் நடித்துள்ள அண்ணாத்த படம் தீபாவளிக்கு திரைக்கு வர இருக்கிறது.