கௌதம் கார்த்திக் நடிப்பில் உருவாகியுள்ள ஆனந்தம் விளையாடும் வீடு படத்தின் டீசர் வெளியாகியுள்ளது.
தமிழ் திரையுலகில் மணிரத்னம் இயக்கத்தில் வெளியான கடல் படத்தின் மூலம் கதாநாயகனாக அறிமுகமானவர் கௌதம் கார்த்திக். தற்போது இவர் நந்தா பெரியசாமி இயக்கத்தில் உருவாகியுள்ள ஆனந்தம் விளையாடும் வீடு படத்தில் நடித்துள்ளார். இந்த படத்தில் சிவாத்மிகா கதாநாயகியாக நடித்துள்ளார். மேலும் சேரன், சினேகன், சரவணன், மௌனிகா, மைனா, சுஜிதா, சிங்கம் புலி, டேனியல் பாலாஜி, நமோ நாராயணன், ஜாக்குலின், சௌந்தர்ராஜன் உள்பட மிகப்பெரிய நட்சத்திர பட்டாளமே நடித்துள்ளது .
ஸ்ரீவாரி பிலிம்ஸ் நிறுவனம் தயாரித்துள்ள இந்த படத்திற்கு சித்து குமார் இசையமைத்துள்ளார். இந்நிலையில் ஆனந்தம் விளையாடும் வீடு படத்தின் டீசர் வெளியாகியுள்ளது. அதிரடியான இந்த டீசர் தற்போது இணையத்தில் வைரலாகி வருகிறது.