மனிதநேய ஜனநாயக கட்சியினர் திடீரென போராட்டத்தில் ஈடுபட்ட சம்பவம் பரபரப்பை ஏற்படுத்தியுள்ளது.
திருநெல்வேலி மாவட்டத்தில் உள்ள மேலப்பாளையம் பகுதியில் மனிதநேய ஜனநாயக கட்சியினர் திடீரென போராட்டத்தில் ஈடுபட்டனர். இந்த போராட்டம் தலைமை செயற்குழு உறுப்பினர் நிலா இக்பால் தலைமையில் நடைபெற்றது. இதில் டெல்லி விவசாயிகள் அறிவித்துள்ள நாடு தழுவிய போராட்டத்திற்கு ஆதரவு தெரிவித்தும், 3 வேளாண் சட்டங்களை ரத்து செய்ய வலியுறுத்தியும் போராட்டத்தில் ஈடுபட்டனர். இந்த போராட்டத்தில் மாவட்ட துணைச் செயலாளர்கள் மைதீன், முத்துக்குமார், செய்யது அலி ஆகியோர் முன்னிலை வகித்தனர்.
மேலும் இந்த போராட்டத்தில் மாநில துணை செயலாளர் சாகுல் ஹமீது, நெல்லை மாவட்ட விவசாய அணி செயலாளர் ஜாகிர், தி.மு.க. பகுதி செயலாளர் துபை சாகுல், காங்கிரஸ் மண்டல தலைவர் ரசூல் மைதீன், மாவட்ட செயலாளர் நெல்லை நிஜாம், பேட்டை நகர செயலாளர் சங்கர், மாவட்ட பொருளாளர் பத்தமடை கனி, டில்லி சம்சு உள்பட பலர் கலந்து கொண்டனர்.