தமிழ் சினிமாவில் கண்ணா லட்டு தின்ன ஆசையா என்ற திரைப்படத்தின் மூலம் பிரபலமானவர் நகைச்சுவை நடிகர் சீனிவாசன். இவர் பவர் ஸ்டார் என்று அழைக்கப்படுகிறார். தற்போது பெயரிடாத புதிய படத்தில் நடித்து வருகிறார். இந்நிலையில் நேற்று படப்பிடிப்பு நடந்து கொண்டிருக்கும்போது அவர் அதிக ரத்த அழுத்தம் காரணமாக திடீரென்று மயங்கி கீழே விழுந்தார்.
அதனைக் கண்டு அதிர்ச்சியடைந்த படக்குழுவினர் உடனே அவரை சென்னையில் உள்ள தனியார் மருத்துவமனை ஒன்றில் சிகிச்சைக்காக அனுமதித்தனர். அங்கு அவருக்கு தீவிர சிகிச்சை அளிக்கப்பட்டு வருவதாக மருத்துவமனை தரப்பில் கூறப்பட்டுள்ளது. இது அவரது ரசிகர்கள் மத்தியில் அதிர்ச்சி தரும் செய்தியாக அமைந்துள்ளது.