தமிழகத்தில் கலை, அறிவியல் கல்லூரிகளில் முதலாமாண்டு மாணவர்களுக்கு அக்டோபர் 4ம் தேதி முதல் நேரடி வகுப்புகள் தொடங்கப்படும் என்று கல்லூரிக் கல்வி இயக்ககம் அறிவித்துள்ளது.
தமிழகத்தில் அனைத்து வகை கலை, அறிவியல் கல்லூரிகளில் முதலாமாண்டு சேர்க்கை நிறைவு பெற்றதால் அக்டோபர் 4ம் தேதி முதல் கல்லூரிகள் திறக்கப்படுவதாக அறிவிக்கப்பட்டுள்ளது. புதிதாக சேர்க்கப்பட்ட மாணவர்களுக்கு புத்தொளிப் பயிற்சி வழங்க கல்லூரி முதல்வர்களுக்கும் உத்தரவிடப்பட்டுள்ளது.
மேலும் முறையான வழிகாட்டு நெறிமுறைகளை பின்பற்றி வகுப்புகளை நடத்த கல்லூரி நிர்வாகங்களுக்கு உத்தரவு பிறப்பிக்கப்பட்டுள்ளது.. தகுதி வாய்ந்த அனைத்து மாணவர்களும் கொரோனா தடுப்பு ஊசி செலுத்தி இருப்பதை உறுதி செய்ய வேண்டும் என்றும் கல்லூரி முதல்வர்களுக்கு கல்லூரிக் கல்வி இயக்ககம் அறிவுறுத்தியுள்ளது.