வீரவநல்லூர் பாரதியார் அரசு மேல்நிலைப் பள்ளியில் புதிய ஆய்வக திறப்பு விழா நடைபெற்றது.
திருநெல்வேலி மாவட்டத்திலுள்ள வீரவநல்லூர் பாரதியார் அரசு மேல்நிலைப் பள்ளியில் புதிய ஆய்வக திறப்பு விழா நடைபெற்றது. இந்த விழாவிற்கு இசக்கி சுப்பையா எம்.எல்.ஏ. தலைமை தாங்கி அடல் டிங்கரிங் ஆய்வகத்தை ரிப்பன் வெட்டி திறந்து வைத்தார். இவர்களை பள்ளி தலைமையாசிரியர் மதியழகி வரவேற்றார். இதனையடுத்து இந்த விழாவில் மாவட்ட முதன்மை கல்வி அலுவலர் முத்துகிருஷ்ணன், மாவட்ட கல்வி அலுவலர் சுடலை ஆகியோர் சிறப்புரையாற்றினர்.
மேலும் இந்த விழாவில் மாவட்ட இலக்கிய அணி செயலாளர் மாடசாமி, ஒன்றிய செயலாளர்கள் சேரன்மாதேவி கருத்தப்பாண்டி, அம்பை பாலாஜி, நகர செயலாளர் சுப்பிரமணியன், பழனி குமார், அம்பை அறிவழகன், விக்ரமசிங்கபுரம் கண்ணன், சேரன்மகாதேவி மாரிச்செல்வம், வக்கீல் சிவசுப்பிரமணியன், மகாராஜன் மற்றும் மாணவ மாணவிகள், பள்ளி ஆசிரியர்கள் உள்பட பலர் கலந்து கொண்டனர்.