தொழிலதிபரிடம் கத்தியை காட்டி மிரட்டி பணம் பறித்த வாலிபரை காவல்துறையினர் கைது செய்துள்ளனர்.
விருதுநகர் மாவட்டத்தில் உள்ள நாரணாபுரம் பகுதியில் தொழிலதிபரான யோகேஸ்வரன் என்பவர் வசித்து வருகிறார். இவர் திருத்தங்கள் ரோட்டில் தனது இருசக்கர வாகனத்தில் சென்று கொண்டிருந்தார்.
அப்போது அந்த வழியாக சிவா என்பவர் யோகேஸ்வரனை வழிமறித்து கத்தியை காட்டி மிரட்டி 500 ரூபாய் பணத்தை பறித்து சென்றுள்ளார். இது குறித்து யோகேஸ்வரன் காவல் நிலையத்திற்கு சென்று புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் சிவாவை கைது செய்து தீவிர விசாரணை மேற்கொண்டு வருகின்றனர்.