அரிவாளை காட்டி மிரட்டல் விடுத்த வாலிபரை காவல்துறையினர் கைது செய்துள்ளனர்.
திருநெல்வேலி மாவட்டத்தில் உள்ள அவனாபேரி பகுதியில் கணேசன் என்பவர் வசித்து வருகிறார். இவர் அதே பகுதியில் வசிக்கும் பரமசிவம் என்பவர் மீது காவல் நிலையத்தில் புகார் கொடுத்தது சம்பந்தமாக முன்விரோதம் இருந்து வந்துள்ளது.
இதை மனதில் வைத்துக் கொண்டு கணேசன் வீட்டிற்கு அருகில் சென்று கொண்டிருக்கும்போது பரமசிவன் அவரை வழிமறித்து அவதூறாக பேசி அரிவாளை காட்டி கொலை மிரட்டல் விடுத்துள்ளார். இதுகுறித்து கணேசன் பாளையங்கோட்டை தாலுகா காவல் நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் பரமசிவனை கைது செய்து விசாரணை நடத்தி வருகின்றனர்.