கார் மீது சரக்கு வாகனம் மோதிய விபத்தில் மெக்கானிக் உயிரிழந்த சம்பவம் சோகத்தை ஏற்படுத்தியுள்ளது.
விருதுநகர் மாவட்டத்தில் உள்ள மாதாங்கோவில்பட்டி பகுதியில் ஜெயபாண்டி என்பவர் வசித்து வந்துள்ளார். இவர் சிவகாசியில் உள்ள அரசு போக்குவரத்து கழக பணிமனையில் மெக்கானிக்காக பணிபுரிந்து வந்துள்ளார். கடந்த அக்டோபர் 1 – ஆம் தேதியன்று சிவகாசி ரோட்டில் ஜெயபாண்டி தனது காரில் சென்று கொண்டிருந்தார். அப்போது அந்த வழியாக வந்த சரக்கு வாகனம் ஜெயபாண்டியன் கார் மீது மோதி விபத்து நேர்ந்துள்ளது.
இந்த விபத்தில் ஜெயபாண்டி சம்பவ இடத்திலேயே பரிதாபமாக உயிரிழந்து விட்டார். இது குறித்து தகவல் அறிந்த காவல்துறையினர் ஜெயபாண்டியன் உடலை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இச்சம்பவம் குறித்து வழக்கு பதிவு செய்த காவல்துறையினர் சரக்கு வாகன டிரைவரான பாண்டியராஜ் என்பவரை கைது செய்து தீவிர விசாரணை மேற்கொண்டு வருகின்றனர்.