ராம் இயக்கத்தில் நிவின் பாலி நடிக்கும் படத்தின் படப்பிடிப்பு பூஜையுடன் தொடங்கப்பட்டுள்ளது.
தமிழ் திரையுலகில் கடந்த 2007-ஆம் ஆண்டு வெளியான கற்றது தமிழ் படத்தின் மூலம் இயக்குனராக அறிமுகமானவர் ராம். இதை தொடர்ந்து இவர் இயக்கத்தில் வெளியான தங்கமீன்கள் படம் ரசிகர்களிடையே நல்ல வரவேற்பை பெற்றது. மேலும் இந்த படம் 3 தேசிய விருதுகளை வென்றது குறிப்பிடத்தக்கது. இதன்பின் ராம் இயக்கத்தில் தரமணி, பேரன்பு ஆகிய படங்கள் வெளியாகியிருந்தது. அடுத்ததாக ராம் இயக்கும் படத்தில் பிரபல மலையாள நடிகர் நிவின் பாலி கதாநாயகனாக நடிக்கவுள்ளார். இந்த படத்தில் அஞ்சலி கதாநாயகியாக நடிக்க இருக்கிறார்.
சுரேஷ் காமாட்சி தயாரிக்கும் இந்த படத்திற்கு யுவன் சங்கர் ராஜா இசையமைக்கிறார். இந்நிலையில் ராம் இயக்கத்தில் நிவின் பாலி நடிக்கும் படத்தின் படப்பிடிப்பு பூஜையுடன் தொடங்கப்பட்டுள்ளது. மேலும் தனுஷ்கோடியில் இந்த படத்தின் முதல்கட்ட படப்பிடிப்பு நடைபெற்று வருகிறது. விரைவில் இந்த படத்தின் அடுத்தடுத்த அப்டேட்டுகள் வெளியாகும் என எதிர்பார்க்கப்படுகிறது.