பெண்ணுக்கு கொலை மிரட்டல் விடுத்தவரை காவல்துறையினர் கைது செய்துள்ளனர்.
திருநெல்வேலி மாவட்டத்திலுள்ள தேவர்குளம் பகுதியில் செல்லத்தாய் என்பவர் வசித்து வருகிறார். இவருக்கு ஒரு தங்கை உள்ளார். அவர் சற்று மனநலம் பாதிக்கப்பட்டவர். இந்நிலையில் செல்லத்தாயின் தங்கை தனியாக வீட்டில் இருந்தபோது அதே பகுதியில் வசிக்கும் மணிபாரதி என்பவர் செல்லத்தாய் வீட்டுக்குள் நுழைந்துள்ளார்.
இதனை தட்டிக்கேட்ட செல்லத்தாயை மணிபாரதி அவதூறாக பேசி அவருக்கு கொலை மிரட்டல் விடுத்துள்ளார். இதுகுறித்து செல்லத்தாய் தேவர்குளம் காவல் நிலையத்தில் புகார் அளித்துள்ளார். அந்த புகாரின் பேரில் வழக்கு பதிவு செய்த காவல்துறையினர் மணி பாரதியை கைது செய்துள்ளனர்.