தென்னிந்தியத் திரைப்பட இயக்குனரான சிவாவின் இயக்கத்தில் ரஜினி நயன்தாரா மற்றும் கீர்த்தி சுரேஷ் ஆகியோர் இணைந்து ‘அண்ணாத்த’ திரைப்படத்தில் நடித்துள்ளனர். இந்த திரைப்படத்தில் கீர்த்தி சுரேஷ் ரஜினிக்கு தங்கை கதாபாத்திரத்தில் நடித்துள்ளார். இத்திரைப்படத்தில் எஸ்.பி.பி. பாடிய டைட்டில் பாடலை நேற்றுமுன்தினம் மாலை 6 மணிக்கு வெளியிட்டார்கள். இந்தப் பாடலைக் கேட்டு ரசிகர்கள் எஸ்பிபி இசையின் மூலம் நம்மோடு வாழ்ந்து கொண்டிருக்கிறார் என்று தெரிவித்து உள்ளனர்.
இதனிடையே கீர்த்தி சுரேஷ் நேற்று காலையில் அண்ணாத்த திரைப்படத்தில் எஸ்பிபி குரலில் உருவான பாடலை தனது சமூக வலைதள பக்கத்தில் வெளியிட்டார். இதனை பார்த்த ரசிகர்கள் பொறுமை பொறுமை என்ன அவசரம், நவம்பர் 4-ஆம் தேதிக்குப் பிறகு போஸ்ட் செய்திருக்கலாம் என்று பல்வேறு கருத்துக்களை ரசிகர்கள் கிண்டல் செய்து பதிவிட்டு வருகின்றனர். அதுமட்டுமில்லாமல் நேற்று மாலையே பாடல் வெளியாகி நாங்கள் அதனை கேட்டுவிட்டோம் என்றும் தெரிவித்துள்ளனர்.