பள்ளியில் நடந்த துப்பாக்கிச் சூட்டினால் குழந்தைகளின் பெற்றோர்கள் அதிர்ச்சியில் உறைந்துள்ளனர்.
அமெரிக்காவில் உள்ள டெக்சாஸ் மாகாணத்தில் ஆர்லிங்டன் என்னும் இடத்தில் டிம்பர்வியூ என்ற மேல்நிலைப்பள்ளி உள்ளது. இந்த பள்ளியில் அடையாளம் தெரியாத நபர்கள் திடீரென்று துப்பாக்கி சூடு நடத்தியுள்ளனர். இந்தத் தாக்குதலில் பலர் படுகாயம் அடைந்ததாக தகவல்கள் வெளியாகி உள்ளது. மேலும் இதுகுறித்து தகவல் அறிந்த போலீசார் சம்பவ இடத்திற்கு விரைந்து சென்று காயமடைந்தவர்களை மீட்டு சிகிச்சைக்க மருத்துவமனையில் அனுமதித்துள்ளனர்.
மேலும் இந்த சம்பவம் குறித்து போலீசார் விசாரணை நடத்தியுள்ளனர். ஆனால் அவர்கள் பாதிக்கப்பட்டவர்களின் விவரங்கள் தொடர்பான எந்த ஒரு தகவலையும் வெளியிடவில்லை. மேலும் குறிப்பாக துப்பாக்கி சூடு நடத்தியவர் கைது செய்யப்பட்டாரா என்பதும் தெரியவில்லை. ஆனால் இந்த சம்பவமானது பெற்றோர்களின் மத்தியில் பெரும் அதிர்வலைகளை ஏற்படுத்தி உள்ளது. குறிப்பாக குழந்தைகளை மீட்பதற்காக பெற்றோர்கள் பள்ளி வளாகம் முன் திரண்டுள்ளனர்.