தங்கம் கடத்திய இரண்டு நபர்களிடம் காவல்துறையினர் விசாரணை நடத்தி வருகின்றனர்.
மதுரை மாவட்டத்தில் உள்ள விமான நிலையத்திற்கு துபாய் விமானம் வந்துள்ளது. இந்த விமானதில் தங்கம் கடத்தப்பட்டு வருவதாக சுங்க புலனாய்வு துறை அதிகாரிகளுக்கு தகவல் கிடைத்துள்ளது. அந்த தகவலின் படி சுங்க புலனாய்வு துறை அதிகாரிகள் துபாயில் இருந்து புறப்பட்டு மதுரைக்கு வந்து இறங்கிய விமானத்தில் வந்த அனைத்து பயணிகளையும் தனித்தனியாக சோதனை செய்துள்ளனர். மேலும் அவர்களின் உடைமைகளையும் தனித்தனியாக பரிசோதித்த போது விமானத்தில் வந்திறங்கிய அஜித்குமார் மற்றும் பாலமுருககுமார் ஆகியோரது நடவடிக்கைகளில் அதிகாரிகளுக்கு சந்தேகம் ஏற்பட்டுள்ளது.
இதனால் அதிகாரிகள் இரண்டு நபர்களையும் தனி அறைக்கு அழைத்து சென்று விசாரணை நடத்தியுள்ளனர். அதன்பின் அவர்களது உடைமைகளை பரிசோதித்த போது களிமண் போன்ற பொருளுடன் தங்கத்தை கடத்தி வந்தது தெரியவந்துள்ளது. அதன்பின் பறிமுதல் செய்யப்பட்ட தங்கம் கிட்டத்தட்ட 1 கிலோ இருக்கும் என அதிகாரிகள் கூறியுள்ளனர். இதனையடுத்து அதிகாரிகள் இரண்டு பேரையும் கைது செய்து விசாரணை மேற்கொண்டு வருகின்றனர்.