பிரபு தேவா நடிப்பில் உருவாகியுள்ள பஹீரா படத்தின் டிரைலர் வெளியாகியுள்ளது.
தமிழ் திரையுலகில் இயக்குனராகவும், நடன இயக்குனராகவும், நடிகராகவும் அசத்தி வருபவர் பிரபு தேவா. இவர் நடிப்பில் உருவாகியுள்ள பொன்மாணிக்கவேல் திரைப்படம் ரிலீசுக்கு தயாராகி வருகிறது. தற்போது இவர் பஹீரா, யங் மங் சங், பொய்க்கால் குதிரை போன்ற பல படங்களை கைவசம் வைத்துள்ளார். இதில் சைக்கோ திரில்லர் கதையம்சம் கொண்ட பஹீரா படத்தில் பிரபு தேவா பல்வேறு கெட்டப்புகளில் நடித்துள்ளார் .
ஆதிக் ரவிச்சந்திரன் இயக்கியுள்ள இந்த படத்தில் அமைரா, காயத்ரி, ஜனனி, சாக்ஷி அகர்வால், ரம்யா நம்பீசன், யாஷிகா, நாசர், சாய்குமார் உள்ளிட்ட பலர் நடித்துள்ளனர். பரதன் பிக்சர்ஸ் நிறுவனம் தயாரித்துள்ள இந்த படத்திற்கு கணேசன் சேகர் இசையமைத்துள்ளார். இந்நிலையில் பஹீரா படத்தின் டிரைலர் வெளியாகியுள்ளது. இந்த மிரட்டலான டிரைலர் படத்தின் மீது மிகப்பெரிய எதிர்பார்ப்பை ஏற்படுத்தியுள்ளது.