வாலிபர் ஒருவர் கண்மாயில் சடலம் போல மிதந்த சம்பவம் பரபரப்பை ஏற்படுத்தியுள்ளது.
திண்டுக்கல் மாவட்டத்தில் உள்ள ஆலங்குளம் கண்மாயில் வாலிபரின் சடலம் கிடந்ததை பார்த்து அதிர்ச்சி அடைந்த பொதுமக்கள் உடனடியாக காவல்துறையினருக்கு தகவல் தெரிவித்தனர். அந்த தகவலின் படி காவல்துறையினர் சம்பவ இடத்திற்கு விரைந்து சென்று பார்த்தனர். அப்போது சடலமாக கிடந்த வாலிபர் உயிரோடு இருப்பது தெரியவந்துள்ளது. இதனையடுத்து காவல்துறையினர் அந்த வாலிபரை கரைக்கு அழைத்து வந்து விசாரணை நடத்தியுள்ளனர்.
அந்த விசாரணையில் அவர் கூலி தொழிலாளியான ரங்கநாதன் என்பது தெரியவந்துள்ளது. இதனை அடுத்து மீன்பிடிப்பதற்காக வந்த ரங்கநாதன் போதையில் சுமார் 2 மணி நேரத்திற்கும் மேலாக கண்மாயில் மிதந்தது தெரியவந்துள்ளது. அதன்பின் காவல்துறையினர் ரங்கநாதனுக்கு அறிவுரை கூறி அங்கிருந்து அனுப்பி வைத்துள்ளனர்.