ஆரி அர்ஜுனன் நடிக்கும் பகவான் படம் புராண திகில் படமாக உருவாகி வருவதாக தகவல் வெளியாகியுள்ளது.
தமிழ் சினிமாவில் நெடுஞ்சாலை படத்தின் மூலம் அறிமுகமானவர் ஆரி. இவர் பிக் பாஸ் சீசன் 4 நிகழ்ச்சியில் கலந்துகொண்டு டைட்டில் வின்னர் ஆனார். இந்த நிகழ்ச்சிக்கு பிறகு மக்களிடையே மிகவும் பிரபலமான ஆரி இயக்குனர் காளிங்கன் இயக்கும் ”பகவான்” திரைப்படத்தில் நடிக்கிறார்.
இவர் பிக்பாஸில் இருக்கும்போதே இந்த படத்தின் ஃபர்ஸ்ட் லுக் போஸ்டர் வெளியானது. இந்த படத்தை சி.வி.மஞ்சு தயாரிக்கிறார். இந்த படத்தில் கதாநாயகியாக பூஜிதா பொன்னாடா மற்றும் வில்லனாக ஹாலிவுட் நடிகர் ஜேம்ஸ் பாரட் நடிக்கிறார்.இந்நிலையில், இந்த படம் ஒரு திகில் படமாக உருவாகி வருவதாகக் கூறப்படுகிறது. அதாவது, ‘மித்தலாஜிக்கல் திரில்லர்’ படமாக உருவாவதாக தகவல் வெளிவந்துள்ளது.