இந்த வாரம் அமெரிக்க கடற்படை தளபதி மைக் கில்டே இந்தியா வருகை தர இருப்பதாக தகவல் வெளியாகியுள்ளது.
இந்த வாரம் அமெரிக்க கடற்படை தளபதி மைக் கில்டே இந்தியா வருகை தருகிறார். அப்போது அரசு அதிகாரிகளுடனும், இந்திய கடற்படை தளபதி கரம்பிர் சிங் உள்ளிட்ட மூத்த அதிகாரிகளுடனும் மைக் கில்டே பேச்சுவார்த்தை நடத்த உள்ளார். இதற்கிடையே அமெரிக்க கடற்படை இந்த பயணம் இருநாட்டு கடற்படைகளுக்கு இடையே ஒத்துழைப்பை வலுப்படுத்தும் வகையில் அமையும் என்று தெரிவித்துள்ளது.
மேலும் எங்கள் நெருங்கிய பங்காளிகளில் ஒன்றான இந்தியாவுடனான உறவு வெளிப்படையான மற்றும் சுதந்திரமான இந்தோ-பசுபிக் பிராந்தியத்தில் வலுவாக அமைந்துள்ளது என்று கில்டே கூறியுள்ளார். அதோடு மட்டுமில்லாமல் இந்த பயணத்தின் போது பரஸ்பர ஒத்துழைப்புக்கான அம்சங்கள் குறித்து இந்திய கடற்படை தளபதியுடன் விவாதிக்க உள்ளதாகவும் மைக் கில்டே நம்பிக்கை தெரிவித்துள்ளார்.