இருதரப்பினர் மோதிக் கொண்ட சம்பவம் குறித்து காவல்துறையினர் விசாரணை மேற்கொண்டு வருகின்றனர்.
பெரம்பலூர் மாவட்டத்தில் உள்ள நக்கசேலம் கிராமத்தில் குமார் என்பவர் வசித்துவருகிறார். இவருக்கும் அதே பகுதியில் வசிக்கும் செந்தில் என்பவருக்கும் இடையே இடப் பிரச்சினை காரணமாக முன்விரோதம் இருந்துள்ளது. இந்நிலையில் குமார் மற்றும் செந்தில் தரப்பினர் ஒருவரை ஒருவர் சரமாரியாக தாக்கிக் கொண்டனர்.
இதனால் காயமடைந்த இருவரையும் அருகில் உள்ளவர்கள் மீட்டு மருத்துவமனையில் சிகிச்சைக்காக அனுமதித்துள்ளனர். இதுகுறித்த புகாரின் பேரில் வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.