தேர்தலில் வெற்றி பெற்றதை கேட்டதும் வேட்பாளரின் உறவினர் ஒருவர் அதிர்ச்சியில் உயிரிழந்த சம்பவம் சோகத்தை ஏற்படுத்தியுள்ளது.
புதுக்கோட்டை மாவட்டத்திலுள்ள அரசமலை ஊராட்சி மன்ற தலைவராக பழனிவேலு என்பவர் வெற்றி பெற்றதாக அறிவிக்கப்பட்டுள்ளது. இந்நிலையில் பழனிவேலுவின் உறவினரான முருகன் என்பவருக்கு அதிர்ச்சியில் மாரடைப்பு ஏற்பட்டுள்ளது. இதனால் சம்பவ இடத்திலேயே அவர் மயங்கி விழுந்து விட்டார்.
அதன்பின் உறவினர்கள் அவரை மீட்டு மருத்துவமனைக்கு சிகிச்சைக்காக கொண்டு சென்றனர். அங்கு அவரை பரிசோதித்த மருத்துவர்கள் முருகன் ஏற்கனவே இறந்துவிட்டதாக தெரிவித்துள்ளனர். இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.