சமுத்திரக்கனி நடித்திருக்கும் இரண்டு படங்கள் ஒரே நாளில் OTT யில் ரிலீஸ் என தகவல் வெளியாகியுள்ளது.
தமிழ் திரையுலகில் நடிகர் மற்றும் இயக்குனராக வலம் வருபவர் சமுத்திரகனி. இவரின் திரைப்படங்கள் அனைத்தும் ரசிகர்கள் மத்தியில் பாராட்டை பெற்று வருகிறது. அந்த வரிசையில், தற்போது ”வினோதய சித்தம்” படத்தை இயக்கி நடித்து முடித்துவிட்டார். மேலும் இந்தப்படம் ”ஜி5” OTT தளத்தில் நாளை வெளியாக இருக்கிறது.
இந்த படத்தில் கதாநாயகனாக தம்பி ராமையா மற்றும் முக்கிய கதாபாத்திரத்தில் சமுத்திரகனியும் நடித்துள்ளனர். அடுத்ததாக, சமுத்திரக்கனி மற்றும் ஜோதிகா நடித்துள்ள ”உடன்பிறப்பே” படமும் நாளை ”அமேசான்பிரைம்” OTT தளத்தில் வெளியாக இருக்கிறது. இந்த படத்தில் சமுத்திரக்கனி ஜோதிகாவின் கணவர் கதாபாத்திரத்தில் நடித்திருக்கிறார்.இந்த இரண்டு படங்களும் திரையரங்குகளில் வெளி வந்திருந்தால் நன்றாக இருக்கும் என்று இந்த படத்தை பார்த்தவர்கள் கருத்துத் தெரிவித்து வருகின்றனர்.