டீக்கடைகாரரிடம் வாளை காட்டி மிரட்டி பணம் கேட்ட நபரை காவல்துறையினர் கைது செய்துள்ளனர்.
ராமநாதபுரம் மாவட்டம் அண்ணாநகர் குட்செட் தெருவில் ஆனந்தன் எனபவர் வசித்து வந்துள்ளார். இவர் அப்பகுதியில் டீக்கடை ஒன்றை நடத்தி வருகின்றார். இந்நிலையில் அதே பகுதியில் இளங்கோவடிகள் தெருவில் வசித்து வரும் பூமிநாதன் என்பவர் ஆட்டோவில் ஆனந்தனின் கடைக்கு வந்துள்ளார். அப்போது பூமிநாதன் அவர் நீண்ட வாளை எடுத்து மிரட்டி பணம் கேட்டுள்ளார்.
இதனையடுத்து ஆனந்தன் பணம் தர மறுத்ததால் ஆத்திரமடைந்த பூமிநாதன் கடையில் இருந்த பொருட்களை உடைத்து சேதபடுத்தியுள்ளார். மேலும் ஆனந்தனுக்கு கொலை மிரட்டல் விடுத்துள்ளார். இதுகுறித்து ஆனந்தன் ராமநாதபுரம் நகர் காவல்நிலையத்தில் புகார் அளித்துள்ளார். அந்த புகாரின் அடிப்படையில் காவல்துறையினர் பூமிநாதன் மீது வழக்குபதிவு செய்து அவரை கைது செய்துள்ளனர்.