பிரபல நடிகர் சுதீப் மீண்டும் இயக்குனராக களம் இறங்க உள்ளார் என்று தகவல் வெளியாகியுள்ளது.
தென்னிந்திய திரையுலகில் பிரபல நடிகராக வலம் வருபவர் சுதீப். கன்னட திரையுலகில் கதாநாயகனாக நடித்து வரும் இவர் பிற மொழிகளில் உருவாகும் முன்னணி நடிகர்களின் படங்களில் வில்லனாக நடித்து வருகிறார். சமீபத்தில் கூட சல்மான் கான் நடிப்பில் வெளியான ‘தபாங் 3’ படத்தில் சுதீப் வில்லனாக நடித்திருந்தார்.
இப்படத்தின் மூலம் அவர்கள் இருவருக்கும் இடையே நல்ல ஒரு நட்புறவு உருவாகியது. இதை தொடர்ந்து தற்போது சுதீப் மீண்டும் இயக்குனராக களமிறங்க உள்ளார் என்று தெரிய வந்துள்ளது. அதன்படி கொரோனா காலத்தில் அவர் உருவாக்கிய கதையின் படத்தில் தென்னிந்திய மொழிகளில் அவரே நாயகனாக நடித்து இயக்கவுள்ளார் என்றும் ஹிந்தியை மட்டும் சல்மான்கானை நடிக்க வைக்க முயற்சி செய்து வருவதாகவும் தெரிய வந்துள்ளது.