பெண்ணை அடித்து கொலை செய்து விட்டு நிலத்தில் வீசிய சம்பவம் பரபரப்பை ஏற்படுத்தியுள்ளது.
சேலம் மாவட்டத்தில் உள்ள நாவலூர் கிராமத்தில் அழகுவேல் என்பவர் வசித்து வருகிறார். இவர் பிரின்டிங் பிரஸ் தொழில் நடத்தி வருகிறார். இவருக்கு இரண்டு மனைவிகள் உள்ள நிலையில் முதல் மனைவியான சித்ரா வங்கியின் இ-சேவை மையத்தில் ஊழியராக வேலை பார்த்து வந்துள்ளார். அதன்பின் இரண்டாவது மனைவியான கவிதா காவல் நிலையத்தில் ஏட்டாக பணிபுரிந்து வருகிறார். இந்நிலையில் அழகுவேல் தனது முதல் மனைவியான சித்ராவுடன் வசித்து வந்திருக்கிறார்.
அப்போது திடீரென முகம் மற்றும் உடலில் காயங்களுடன் சித்ரா வீட்டின் அருகில் இருக்கும் விவசாய நிலத்தில் சடலமாக கிடந்துள்ளார். இது பற்றி தகவல் அறிந்த காவல்துறையினர் சம்பவ இடத்திற்கு விரைந்து சென்று அக்கம்பக்கத்தினரிடம் விசாரணை செய்துள்ளனர். அதற்கு பிறகு சித்ராவின் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர்.
இதனை அடுத்து சித்ராவின் தந்தையான சின்னசாமி மகளின் மரணம் குறித்து காவல்நிலையத்தில் புகார் அளித்துள்ளார். அந்த புகாரில் தனது மகளை அடித்து கொலை செய்து விட்டு நிலத்தில் வீசி இருப்பதாக தெரிவித்துள்ளார். எனவே அவரது சாவு பற்றி உரிய நடவடிக்கை எடுக்க வேண்டும் என கூறியுள்ளார். மேலும் இது குறித்து வழக்கு பதிவு செய்த காவல்துறையினர் அழகுவேல் மற்றும் அவரின் உறவினர்களிடம் விசாரணை நடத்தி வருகின்றனர்.