சன் தொலைக்காட்சியில் ஒளிபரப்பான மெட்டி ஒலி சீரியலில் விஜி என்ற கதாபாத்திரத்தில் நடித்த உமா மகேஸ்வரி கடந்த அக்டோபர் 17 ஆம் தேதி காலமானார். இது அவர்களது ரசிகர்கள் மத்தியில் பெரும் அதிர்ச்சியை ஏற்படுத்தியுள்ளது. அவருக்கு ஏற்கனவே மஞ்சள் காமாலை நோய் இருந்துள்ளது. அதற்காக மருத்துவமனையில் முறையான சிகிச்சை மேற்கொண்டு வந்துள்ளார். சிகிச்சைக்கு பிறகும் அவரது உடல்நிலை மோசமாக இருந்துள்ளது. அவர் தொடர்ந்து சிகிச்சை எடுத்து வந்த நிலையில் உயிரிழந்தார்.
இந்நிலையில் அவர் இறப்பதற்கு மூன்று நாட்களுக்கு முன்பாகவே தன் குடும்பத்தினர் அனைவரும் தன் பக்கத்திலேயே இருக்கும் படி அவர் கூறியுள்ளார். தான் இறக்கப் போகிறோம் என்பதை அவர் முன்பே அறிந்து விட்டதாகவும், அனைவரையும் பார்த்த பிறகு தான் அவர் உயிர் பிரிந்ததாக குடும்பத்தினர் தெரிவித்துள்ளனர்.