ஏரியில் மூழ்கி சிறுவன் உயிரிழந்த சம்பவம் சோகத்தை ஏற்படுத்தியுள்ளது.
சேலம் மாவட்டத்திலுள்ள தாரமங்கலம் பகுதியில் குப்புசாமி என்பவர் வசித்து வருகிறார். இவர் கிணறு வெட்டும் தொழிலாளியாக வேலை பார்த்து வருகிறார். இவருக்கு சக்திவேல் என்ற மகன் இருந்துள்ளான். இவர் தனது குடும்பத்துடன் கிருஷ்ணகிரி மாவட்டத்திலுள்ள ஊத்தங்கரை பகுதியில் ஒரு தனியார் பெட்ரோல் பங்க் பின்புறம் தற்காலிக குடிசை அமைத்து வசித்து வருகின்றனர். இந்நிலையில் சக்திவேல் தனது தாயுடன் ஏரியில் துணி துவைக்க சென்றுள்ளான்.
அப்போது எதிர்பாராதவிதமாக சக்திவேல் தண்ணீரில் மூழ்கினான். இதனைப் பார்த்த அருகிலிருந்தவர்கள் சக்திவேலை உடனடியாக மீட்டு ஊத்தங்கரை அரசு மருத்துவமனைக்கு சிகிச்சைக்காக அனுப்பி வைத்தனர். ஆனால் சக்திவேலை பரிசோதனை செய்த மருத்துவர்கள் அவர் ஏற்கனவே இறந்துவிட்டதாக தெரிவித்துள்ளனர். இதுகுறித்து வழக்கு பதிவு செய்த ஊத்தங்கரை காவல்துறையினர் விசாரணை நடத்தி வருகின்றனர்