திருச்சியில் குழந்தையை விற்க புரோக்கராக செயல்பட்ட பெண்ணை போலீசார் கைது செய்து விசாரணை மேற்கொண்டு வருகின்றனர்.
திருச்சியை சேர்த்த செல்வம்- விஜயா தம்பதிகளுக்கு மூன்றாவதாக கடந்த 2 மாதங்களுக்கு முன்பு ஆண் குழந்தை பிறந்தது. இதையடுத்து அந்த குழந்தையை விற்பனை செய்ய முன்வந்த தம்பதிகள் ஊத்துக்குளியை சேர்ந்த குழந்தை இல்லாத தம்பதிக்கு ரூ 1.15 லட்சத்துக்கு விற்பனை செய்தது. இதற்க்கு மணப்பாறை அரசு மருத்துவமையில் இருந்து குழந்தையை விற்க அந்தோணியம்மாள் என்கின்ற புரோக்கர் உதவியுள்ளார்.
இதையடுத்து தகவலறிந்து வந்த போலீசார் மணப்பாறை மருத்துவமையில் அந்தோணியம்மாளை கைது செய்தது. மேலும் விற்பனை செய்த தம்பதிகளிடம் காவல்துறையினர் நடத்திய விசாரணையில் தங்களுக்கு எய்ட்ஸ் இருப்பதாகவும் , குடும்ப வறுமையால் குழந்தையை வளர்க்க முடியாமல் விற்பனை செய்ததாகவும் தெரிவித்தனர். இந்த சம்பவம் அங்கே பரபரப்பை ஏற்படுத்தியுள்ளது.