டி20 உலகக்கோப்பை தொடரில் பாகிஸ்தான் அணிக்கெதிரான பயிற்சி ஆட்டத்தில் 6 வித்தியாசத்தில் தென்னாப்பிரிக்கா அணி த்ரில் வெற்றி பெற்றது.
7-வது டி20 உலகக்கோப்பை போட்டி ஐக்கிய அரபு அமீரகத்தில் விறுவிறுப்பாக நடைபெற்று வருகிறது .இதில் நேற்று நடந்த பயிற்சி ஆட்டத்தில் பாகிஸ்தான் – தென்னாப்பிரிக்கா அணிகள் மோதின.இதில் டாஸ் வென்ற தென்னாப்பிரிக்கா அணி பீல்டிங் தேர்வு செய்தது .அதன்படி முதலில் களமிறங்கிய பாகிஸ்தான் 20 ஓவர் முடிவில் 6 விக்கெட் இழப்புக்கு 186 ரன்கள் குவித்தது. இதில் அதிகபட்சமாக பஃகர் சமான் 52 ரன்கள் குவித்தார் .தென்னாப்பிரிக்கா அணி தரப்பில் ரபாடா 3 விக்கெட்டுகளை கைப்பற்றி அசத்தினார். இதன்பிறகு 187 ரன்கள் எடுத்தால் வெற்றி என்ற இலக்குடன் தென்னாப்பிரிக்கா அணி களமிறங்கியது.
தொடக்க வீரர்களாக டி காக் – ஹென்ட்ரிக்ஸ் ஜோடி களமிறங்கினர். இதில் டி காக் 6 ரன்னில் வெளியேற ஹென்ரிக்ஸ் 7 ரன்னில் ஆட்டமிழந்தார் .இதன் பிறகு களமிறங்கிய வான் டெர் டஸன் அதிரடி ஆட்டத்தை வெளிப்படுத்தி அணியை வெற்றிப்பாதைக்கு கொண்டு சென்றார் .இறுதியாக தென்னாப்பிரிக்கா அணி 20 ஓவர் முடிவில் 4 விக்கெட் இழப்புக்கு 190 ரன்கள் குவித்தது .இதனால் 6 விக்கெட் வித்தியாசத்தில் பாகிஸ்தான் அணியை வீழ்த்தி தென்னாப்பிரிக்கா வெற்றி பெற்றது. இதில் அதிரடியாக விளையாடிய வான் டெர் டஸன் 51 பந்துகளில் 4 சிக்ஸர், 10 பவுண்டரிகள் அடித்து விளாசி 101 ரன்னுடன் இறுதிவரை ஆட்டமிழக்காமல் களத்தில் இருந்தார்.