மோட்டார் சைக்கிள் மீது பேருந்து மோதி 2 பேர் உயிரிழந்த சம்பவம் சோகத்தை ஏற்படுத்தியுள்ளது.
ராணிப்பேட்டை மாவட்டத்தில் உள்ள களத்தூர் கிராமத்தில் விவசாயியான பரசுராமன் என்பவர் வசித்து வந்துள்ளார். இவரும் வள்ளுவம்ப்பாக்கம் கிராமத்தில் வசிக்கும் கனகவல்லி என்பவரும் உறவினர்கள். இந்நிலையில் பரசுராமனும் கனகவல்லியும் உறவினர் வீட்டுக்கு சென்று விட்டு மோட்டார் சைக்கிளில் வந்து கொண்டிருக்கும் போது எதிரே வந்த அரசு பேருந்து திடீரென மோதியது. இதில் இருவரும் படுகாயமடைந்துள்ளனர்.
இதனையடுத்து அருகிலிருந்தவர்கள் அவர்கள் 2 பேரையும் மீட்டு சிகிச்சைக்காக அரசு மருத்துவமனைக்கு அனுப்பி வைத்துள்ளனர். அங்கு அளிக்கப்பட்ட சிகிச்சை பலனின்றி கனகவள்ளி பரிதாபமாக உயிரிழந்துள்ளார். இதனை தொடர்ந்து பரசுராமன் மேல்சிகிச்சைக்காக வேலூர் அடுக்கம்பாறை அரசு மருத்துவமனைக்கு அனுப்பி வைக்கப்பட்டிருக்கிறார். அங்கு அளிக்கப்பட்ட சிகிச்சை பலனின்றி பரசுராமன் பரிதாபமாக உயிரிழந்துள்ளார். மேலும் இது குறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.