ஐப்பசி பவுர்ணமியை முன்னிட்டு சிவன் கோவில்களில் அன்னாபிஷேகம் நடைபெற்றது.
திருநெல்வேலி மாவட்டத்திலுள்ள நெல்லையப்பர் கோவிலில் ஐப்பசி மாத பவுர்ணமியை முன்னிட்டு கும்ப பூஜை, சிறப்பு அபிஷேக அலங்கார தீபாராதனை நடைபெற்றது. இதனை பக்தர்கள் சமூக இடைவெளிகளை கடைபிடித்தும், முகக்கவசம் அணிந்தும் தரிசனம் செய்தனர். அதன் பின் அபிஷேகம் செய்யப்பட்ட அன்னம் பக்தர்களுக்கு பிரசாதமாக வழங்கப்பட்டது.
இதனையடுத்து நெல்லையப்பர் கோவிலில் உள்ள மகாலிங்க சுவாமிக்கு சிறப்பு அபிஷேகம் நடைபெற்றது. மேலும் நெல்லை சந்திப்பு கைலாசநாதர் கோவிலில் சுவாமிக்கு சிறப்பு அபிஷேகம், அலங்கார தீபாராதனையும் நடைபெற்றது. இதனையடுத்து பாளையங்கோட்டை திரிபுராந்தீஸ்வரர் கோவில், கொக்கிரக்குளம் காசி விஸ்வநாதர் கோவில், அருகன் குளத்தில் உள்ள ராமலிங்கசுவாமி-பர்வதவர்த்தினி அம்மன் கோவில் உள்ளிட்ட கோவில்களில் அன்னாபிஷேகம் நடைபெற்றது.