மர்மமான முறையினர் பிளம்பர் உயிரிழந்து கிடந்த சம்பவம் குறித்து காவல்துறையினர் பல்வேறு கோணங்களில் விசாரணை நடத்தி வருகின்றனர்.
சேலம் மாவட்டம் ஓமலூரை அடுத்துள்ள அமரகுந்தி பகுதியில் செல்வம் என்பவர் வசித்து வந்துள்ளார். பிளம்பரான இவர் கடந்த ஒரு மாதமாக நாமக்கல் மாவட்டம் வெப்படை பகுதியில் தங்கி வேலை பார்த்து வந்துள்ளார். இந்நிலையில் சம்பவத்தன்று புளியம்பட்டியாம்பாளையம் கருப்பசாமி கோவில் அருகே செல்வம் உயிரிழந்து பிணமாக கிடந்துள்ளார். இதனை பார்த்த அப்பகுதியினர் அதிர்ச்சி அடைந்து உடனடியாக காவல் நிலையத்திற்கு தகவல் தெரிவித்தனர்.
தகவலறிந்து சென்ற வெப்படை காவல்துறையினர் செல்வத்தின் உடலை மீட்டு உடற்கூராவிற்காக பள்ளிபாளையம் அரசு மருத்துவமனைக்கு அனுப்பி வைத்துள்ளனர். மேலும் இதுகுறித்து வழக்கு பதிவு செய்து செல்வம் உயிரிழப்பிற்க்கான காரணம் குறித்து பல்வேறு கோணங்களில் விசாரணை நடத்தி வருகின்றனர். இச்சம்பவம் அப்பகுதியில் பெரும் பரபரப்பை ஏற்படுத்தியுள்ளது.