டி20 உலகக்கோப்பை தொடரில் அயர்லாந்து அணிக்கெதிரான ஆட்டத்தில் வெற்றி பெற்ற நமீபியா அணி சூப்பர் 12 சுற்றுக்கு முன்னேறியுள்ளது.
7-வது டி20 உலகக்கோப்பை போட்டியில் இன்று நடந்த 11-வது லீக் ஆட்டத்தில் அயர்லாந்து- நமீபியா அணிகள் மோதின.இதில் டாஸ் வென்ற அயர்லாந்து அணி பேட்டிங் தேர்வு செய்தது. அதன்படி முதலில் களமிறங்கிய அயர்லாந்து அணி 20 ஓவர் முடிவில் 8 விக்கெட் இழப்புக்கு 125 ரன்கள் குவித்தது .இதில் அதிகபட்சமாக கெவின் ஓ பிரையன் 25ரன்னும், பால் ஸ்டிர்லிங் 38 ரன்னும் ,பால்பிர்னி 21 ரன்னும் எடுத்தனர் .நமீபியா அணி சார்பில் ஜான் ஃபிரைலிங் 3 விக்கெட் கைப்பற்றினார்.
இதன்பிறகு 126 ரன்கள் எடுத்தால் வெற்றி என்ற இலக்குடன் நமீபியா அணி களமிறங்கியது. இதில் கிரேக் வில்லியம்ஸ் 15 ரன்னிலும்,ஸேன் கிரீன் 24 ரன்னிலும் வெளியேறினர்.இதன்பிறகு கேப்டன் எரஸ்மஸ் – டேவிட் வைஸ் ஜோடி அதிரடியாக விளையாடி அணியை வெற்றிப் பாதைக்கு கொண்டு சென்றனர்.இறுதியாக நமீபியா அணி 18.3 ஓவரில் 2 விக்கெட் இழப்புக்கு 126 ரன்கள் குவித்து வெற்றி பெற்றது. இதன்மூலம் 8 விக்கெட் வித்தியாசத்தில் அயர்லாந்து அணியை வீழ்த்தி வெற்றி பெற்ற நமீபியா அணி முதல் முறையாக சூப்பர் 12 சுற்றுக்கு முன்னேறியுள்ளது.