யோகிபாபு நடிக்கும் மீன்குழம்பு படத்திற்கு விருது கிடைத்துள்ளது.
நடிகர் யோகிபாபு தமிழ் சினிமாவில் பிரபல காமெடி நடிகராக வலம் வருகிறார். சமீபத்தில் இவர் நடித்த ‘மண்டேலா’ திரைப்படம் ஆஸ்கார் விருது பரிந்துரை பட்டியலில் இடம் பிடித்தது. இதனையடுத்து, யோகிபாபுவின் அடுத்த திரைப்படத்திற்கும் விருது கிடைத்துள்ளது.
யோகிபாபு அடுத்ததாக நடிக்கும் திரைப்படம் ‘மீன் குழம்பு’. இந்த திரைப்படத்தை இயக்குனர் சபரிநாதன் முத்துபாண்டியன் இயக்குகிறார். இந்த திரைப்படத்தின் திரைக்கதை சிறந்த பிளாக் காமெடி திரைக்கதை என்ற விருதை வென்றுள்ளது. மேலும், இந்த திரைப்படத்தின் சிறப்பம்சம் என்னவென்றால், இந்த படம் உருவாவதற்கு முன்பே விருது கிடைத்திருப்பது தான். இது, படக்குழுவினருக்கு மகிழ்ச்சியை கொடுத்திருக்கிறது.