சாலை மறியலில் பேருந்து கண்ணாடியை உடைத்த சம்பவத்தில் 3 வாலிபர்களை காவல்துறையினர் கைது செய்துள்ளனர்.
விழுப்புரம் மாவட்டத்திலுள்ள திண்டிவனம் அடுத்த ஒலக்கூர் ஒன்றியத்தில் 22-ஆம் தேதி தலைவர் பதவிக்கான மறைமுக தேர்தல் நடைபெற்றது. இதில் சுயேச்சை கவுன்சிலர் ஒருவருக்கு ஓட்டு போட அனுமதிக்காததை கண்டித்து ஈச்சேரி கிராமத்தில் வசிக்கும் ராஜதுரை என்பவரின் தலைமையில் ஒரு தரப்பினர் திண்டிவனம் தேசிய நெடுஞ்சாலையில் சாலை மறியலில் ஈடுபட்டனர்.
அப்போது சென்னை நோக்கி சென்ற அரசு பேருந்து மீது கல் வீசி கண்ணாடி உடைக்கப்பட்டது. இதுகுறித்து சாரம் கிராம நிர்வாக அலுவலர் கருணாகரன் ஒலக்கூர் காவல்நிலையத்தில் புகார் அளித்துள்ளார். அந்த புகாரின் பேரில் 51 பேர் மீது காவல்துறையினர் வழக்கு பதிவு செய்துள்ளனர். இந்த வழக்கில் தொடர்புடைய வைரபுரம் பகுதியில் வசிக்கும் விக்னேஷ், அங்கமுத்து, காமேஸ்வரன் ஆகியோரை காவல்துறையினர் கைது செய்துள்ளனர்.