நடிகர் ரஜினிகாந்த்தின் மகள் சௌந்தர்யா புதிய செயலியை அறிமுகம் செய்துள்ளார்.
சௌந்தர்யா ரஜினிகாந்த் உருவாகியுள்ள hoote என்னும் சமூக வலைத்தள செயலியை நடிகர் ரஜினிகாந்த் குரல் பதிவு மூலமாக அறிமுகம் செய்து வைத்தார். Facebook, Instagram, twitter போன்று சௌந்தர்யா ரஜினிகாந்த் உருவாக்கியுள்ள hoote என்னும் ஆடியோ மூலம் பதிவிடும் சமூக வலைதள செயலியின் அறிமுக விழா சென்னையில் நடைபெற்றது. இதில் hoote செயலியின் தனித்துவம் மற்றும் சிறப்பம்சங்கள் குறித்து பயனாளர்களுக்கு விளக்கப்பட்டது.
பின்னர் செய்தியாளர்களை சந்தித்த சௌந்தர்யா ரஜினிகாந்த் எழுதப்படிக்க தெரியாதவர்களும், தங்களது கருத்துக்களை சமூக வலைத்தளங்களில் பதிவிடும் நோக்கில் இந்த செயலியை உருவாக்கியிப்பதாக கூறினார். சென்னையை தலைமையிடமாகக் கொண்டு இயங்க உள்ள இந்த செயலியில் 60 வினாடிகளுக்கு ஆடியோவை பதிவேற்றம் செய்யும் வகையில் வடிவமைக்கப்பட்டுள்ளது.
தமிழ் ,தெலுங்கு மலையாளம் என 15 இந்திய மொழியிலும், 10 உலக மொழிகளிலும் இந்த செயலி உருவாக்கப்பட்டுள்ளது. இந்த செயலியின் வெற்றி மூலமாக சென்னை சிறுசேரி சிலிக்கான் வேலியாக மாறும் என சௌந்தர்யா ரஜினிகாந்த் நம்பிக்கை தெரிவித்துள்ளார்.