இருசக்கர வாகனம் நிலைதடுமாறி ராணுவ வீரர் உயிரிழந்த சம்பவம் சோகத்தை ஏற்படுத்தியுள்ளது.
ராணிப்பேட்டை மாவட்டத்தில் உள்ள புதுப்பட்டு பெரிய தெருவில் பழனி என்பவர் வசித்து வருகிறார். இவருக்கு அஜித் என்ற மகன் இருந்துள்ளார். இவர் ஒரு ராணுவ வீரர். இந்நிலையில் ஒரு மாதம் விடுமுறை என்பதால் தனது சொந்த ஊருக்கு அஜித் வந்திருக்கிறார். அதன்பின் சோளிங்கர் அருகாமையிலிருக்கும் புலிவலம் கிராமத்தில் தனது உறவினர் வீட்டுக்கு சென்று விட்டுத் திரும்பி வந்து கொண்டிருக்கும் போது நிலைதடுமாறிய இருசக்கர வாகனம் சாலையோரத்தில் இருந்த மரத்தின் மீது மோதி புதருக்குள் அஜித் விழுந்துள்ளார்.
இந்த விபத்தில் அஜீத் சம்பவ இடத்திலேயே பரிதாபமாக உயிரிழந்துள்ளார். பின்னர் அவ்வழியாகச் சென்ற தூய்மைப் பணியாளர்கள் இது பற்றி காவல்துறையினருக்கு தகவல் தெரிவித்துள்ளனர். அந்தத் தகவலின் பேரில் சம்பவ இடத்திற்கு விரைந்து சென்ற காவல்துறையினர் அஜித்தின் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இது குறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.