ரஜினி பிரதமர் மற்றும் ஜனாதிபதியை சந்தித்தபோது எடுத்த புகைப்படத்தை வெளியிட்டுள்ளார்.
கடந்த திங்கட்கிழமை டெல்லியில் தேசிய விருதுகள் வழங்கும் விழா நடைபெற்றது. இந்த விழாவில் மிக உயரிய விருதாக கருதப்படும் தாதா சாகேப் பால்கே விருதை நடிகர் ரஜினிகாந்த் பெற்றார். இந்த விருதைப் பெற்ற ரஜினி, இயக்குநர் கே.பாலச்சந்தருக்கு இந்த விருதை சமர்ப்பிப்பதாக கூறியிருந்தார்.
இதனையடுத்து, இவருக்கு திரையுலக பிரபலங்கள் பலரும் தங்களது வாழ்த்துக்களை கூறி வருகின்றனர். இந்நிலையில், ரஜினி மற்றும் அவரின் மனைவி லதா, ஜனாதிபதி மற்றும் பிரதமர் மோடியை நேரில் சந்தித்து வாழ்த்து பெற்றனர். இதனை, ரஜினி தனது ட்விட்டர் பக்கத்தில் புகைப்படத்துடன் பகிர்ந்துள்ளார்.
மதிப்பிற்குரிய ஜனாதிபதி அவர்களையும் ,பிரதமர் அவர்களையும் சந்தித்து வாழ்த்துகளை பெற்றதில் பெரும் மகிழ்ச்சி. pic.twitter.com/0pFheNjnFd
— Rajinikanth (@rajinikanth) October 27, 2021