கோலிவுட்டில் தளபதி படத்தின் மூலம் அறிமுகமானவர் தான் நடிகர் அரவிந்த்சாமி. கடந்த சில ஆண்டுகளுக்கு முன் சினிமாவிலிருந்து விலகி இருந்த இவர், ஜெயம் ரவியின் தனி ஒருவன் படம் மூலம் சினிமாவில் ரீஎன்ட்ரீ கொடுத்தார். இந்த படத்தில் வில்லனாக நடித்திருந்த அரவிந்த்சாமியின் கதாபாத்திரம் அனைவராலும் ரசிக்கப்பட்டது. இதனைத் தொடர்ந்து அடுத்தடுத்த படங்களில் நடிக்க அரவிந்த்சாமி ஒப்பந்தம் செய்யப்பட்டார்.
சமீபத்தில் வெளியான தலைவி படத்தில் இவர் எம்ஜிஆர் கதாபாத்திரத்தில் நடித்து பலரது பாராட்டுகளையும் பெற்றுள்ளார். இந்நிலையில் இவர் சமீப நாட்களாக படப்பிடிப்புகளுக்கு முறையாக செல்வதில்லை என தயாரிப்பாளர்கள் பலர் குற்றம் சாட்டி வருகின்றனர். ஆனால் முறையான சம்பளம் கொடுக்காததாலும், சம்பளத்தை தர தாமதம் செய்வதாலும் தான் படப்பிடிப்புகளுக்கு செல்ல மறுப்பதாக கூறப்படுகிறது. முறையான சம்பளம் கொடுத்தால் படப்பிடிப்புகளுக்கு அரவிந்த்சாமி செல்வார் என்றும் தகவல் வெளியாகியுள்ளது.