அடிப்படை வசதிகளை செய்து தருமாறு பூம்பூம் மாட்டுக்காரர்கள் கலெக்டரிடம் கோரிக்கை விடுத்துள்ளனர்.
ராணிப்பேட்டை மாவட்டத்தில் உள்ள திமிரி பேரூராட்சி பகுதியில் பழைய பேருந்து நிலையம் மற்றும் திரவுபதியம்மன் கோவில் போன்ற பல இடங்களில் பூம்பூம் மாட்டுக்காரர்கள் வசித்து வருகின்றனர். இந்நிலையில் இவர்களுக்கு ஆறு மாதத்திற்கு முன்பாக பரதராமி சாலையில் அரசு வீட்டுமனை வழங்கப்பட்டிருக்கிறது. அதில் அவர்கள் துணியால் கூடாரம் அமைத்து வசித்து வந்திருக்கின்றனர்.
இதனை அடுத்து அவர்களுக்கு இது வரை மின்சார வசதி செய்யப்படவில்லை எனவும், ஆழ்துளை கிணற்றில் இருந்து தண்ணீர் வினியோகம் செய்யப்படவில்லை எனவும் கூறி உள்ளனர். அதன்பின் கடந்த ஒரு மாதமாக பெய்து வரும் கனமழையால் அவர்கள் அவதிப்பட்டும் வருகின்றனர். இவற்றில் இரவு நேரங்களில் விஷப்பூச்சிகள் நடமாட்டம் அதிகம் இருப்பதால் குழந்தைகள் அச்சத்துடன் இருந்து வருகின்றனர். பின்னர் இரவில் மெழுகுவர்த்தி, விளக்கு வெளிச்சத்தில் குடும்பம் நடத்தி வரும் இவர்களுக்கு ஆதார் அட்டை, ரேஷன் கார்டு வழங்கப்பட்டு இருக்கிறது.
இதனை தொடர்ந்து இவர்களின் குழந்தைகள் அரசுப் பள்ளியில் படித்து வருகின்றனர். அதற்கு பிறகு அடிப்படை வசதிகள் செய்து தருமாறு பலமுறை அரசு அதிகாரிகளை சந்தித்து மனு அளித்தும் இதுவரை எந்தவித நடவடிக்கையும் எடுக்கவில்லை. மேலும் அடிப்படைத் தேவையான குடிநீர் மற்றும் மின்சாரம் ஆகியவற்றை வழங்க கலெக்டர் உரிய நடவடிக்கை எடுக்க வேண்டும் என அவர்கள் கோரிக்கை விடுத்துள்ளனர்.