தீபாவளியை முன்னிட்டு கடலூர் அருகே உள்ள வேப்பூர் வார சந்தையில் இன்று 4 மணி நேரத்தில் 4 கோடி ரூபாய்க்கு ஆடுகள் விற்பனையானது.
திட்டக்குடி அடுத்து வேப்பூரில் வாரந்தோறும் வெள்ளிக்கிழமை ஆட்டுச்சந்தை நடைபெறுவது வழக்கம். தீபாவளி நெருங்கி வரும் நிலையில் நேற்று நடைபெற்ற சந்தையில் வேப்பூர் சுற்றுவட்டாரத்தை சேர்ந்த விவசாயிகள் விழுப்புரம், கள்ளக்குறிச்சி, சேலம், திருவண்ணாமலை உள்ளிட்ட மாவட்டங்களில் இருந்தும் வியாபாரிகள் வந்ததால் ஆட்டுச்சந்தை களைகட்டியது.
இந்த நிலையில் அதிகாலை 4 மணி முதல் காலை 8 மணி வரையில் 4 மணி நேரத்தில் சுமார் 4 கோடி ரூபாய் அளவுக்கு வர்த்தகம் நடைபெற்றதாக வியாபாரிகள் தெரிவித்தனர். இந்த நிலையில் வாரச் சந்தைக்கு ஆடுகளை விற்பனைக்கு கொண்டு வருபவர்களிடம் இதுநாள்வரை வேப்பூர் ஊராட்சி சார்பில் ஒரு ஆட்டிற்கு 30 ரூபாயே வசூல் செய்துள்ளனர். ஆனால் இன்று சந்தையில் 1 ஆட்டிற்கு தல 60 ரூபாய் என வசூல் செய்ததாகவும் ரசீதில் எண்ணிக்கையை மட்டும் குறிப்பிட்டு தொகையை எழுதாமல் முறையீடு ஈடுபடுவதாகவும் விவசாயிகள் குற்றம் சாட்டினர்.