கலர்ஸ் தமிழ் தொலைக்காட்சியில் ஒளிபரப்பாகும் சீரியலில் தீபா இணைந்துள்ளார்.
விஜய் தொலைக்காட்சியில் ஒளிபரப்பான குக் வித் கோமாளி சீசன் 2 நிகழ்ச்சியில் போட்டியாளராக கலந்து கொண்டு பிரபலமடைந்தவர் தீபா. இந்த நிகழ்ச்சியில் தனது நகைச்சுவையான பேச்சின் மூலம் ரசிகர்களை கவர்ந்தார். இதை தொடர்ந்து மிஸ்டர் அண்ட் மிஸஸ் சின்னத்திரை சீசன் 3 நிகழ்ச்சியில் தீபா தனது கணவருடன் கலந்து கொண்டுள்ளார்.
மேலும் இவர் படங்களிலும், சீரியல்களிலும் நடித்து வருகிறார். இந்நிலையில் தீபா புதிதாக ஒரு சீரியலில் நடிக்க ஒப்பந்தமாகியுள்ளதாக தகவல் வெளியாகியுள்ளது. அதன்படி கலர்ஸ் தமிழ் தொலைக்காட்சியில் ஒளிபரப்பாகி வரும் அபி டெய்லர் சீரியலில் தீபா இணைந்துள்ளார். மேலும் அவர் சீரியல் செட்டில் எடுத்த புகைப்படம் ஒன்று இணையத்தில் வெளியாகியுள்ளது.