ரேஷன் அரிசி கடத்திச் சென்றவரை காவல்துறையினர் கைது செய்துள்ளனர்.
திருநெல்வேலி மாவட்டத்திலுள்ள கூடங்குளம் காவல்துறையினருக்கு கூட்டப்புளி அருகில் ஒரு மினி லாரியில் ரேஷன் அரிசி கடத்துவதாக ரகசிய தகவல் கிடைத்துள்ளது. அந்த தகவலின் படி சம்பவ இடத்திற்கு விரைந்து சென்ற காவல்துறையினர் மினி லாரியை மடக்கி பிடித்து சோதனை செய்தனர். அந்த சோதனையில் மினி லாரியில் 1 1\2 டன் ரேஷன் அரிசி கடத்திச் சென்றதும் காவல்துறையினருக்கு தெரியவந்துள்ளது.
இதுகுறித்து காவல்துறையினர் மினி லாரி டிரைவரிடம் விசாரணை நடத்தினர். அந்த விசாரணையில் அவர் கன்னியாகுமரி மாவட்டத்தில் உள்ள விளவங்கோடு பகுதியில் வசிக்கும் ஜோஸ் என்பது தெரியவந்துள்ளது. மேலும் இதுகுறித்து வழக்கு பதிவு செய்த காவல்துறையினர் ஜோசை கைது செய்து விசாரணை நடத்தி வருகின்றனர்.