நாடு முழுவதும் கொரோனா அச்சுறுத்தல் காரணமாக கடந்த ஆண்டு ஊரடங்கு அமல்படுத்தப்பட்டது. அப்போது பலத்த கட்டுப்பாடுகள் விதிக்கப்பட்டன. அதன் பலனாக பாதிப்பு கணிசமாக குறைந்து கொண்டே வந்தது. இதையடுத்து ஒவ்வொரு மாநில அரசுகளும் படிப்படியாக ஊரடங்கு தளர்வு களை அறிவித்து வருகிறது. அதன்படி புதுச்சேரியிலும் தளர்வுகளுடன் கூடிய ஊரடங்கு அமலில் உள்ளது.
இந்நிலையில் புதுச்சேரியில் தளர்வுகளுடன் கூடிய ஊரடங்கு நவம்பர் 15 ஆம் தேதி வரை நீட்டிக்கப்பட்டது அம்மாநில அரசு அறிவித்துள்ளது. மேலும் இரவு நேர ஊரடங்கு இரவு 11 மணி முதல் காலை 5 மணி வரை அமல்படுத்தப்படும். நாளை முதல் 100% பார்வையாளர்களுடன் திரையரங்குகள் இயங்கலாம். கோவில்களில் திருவிழாக்கள் மற்றும் சூரசம்ஹாரம் உள்ளிட்டவை நடத்தலாம் என்று அறிவித்துள்ளது.