ஓடும் பேருந்தில் பயணியிடம் பணம் திருடிய 3 பேரை காவல்துறையினர் கைது செய்துள்ளனர்.
திருநெல்வேலி மாவட்டத்தில் உள்ள கங்கணான்குளம் பகுதியில் சுடலை என்பவர் வசித்து வருகிறார் இவருக்கு சித்ராலட்சுமி என்ற மனைவி உள்ளார். இந்நிலையில் சித்ராலட்சுமி கங்கணான்குளத்திலிருந்து சேரன்மகாதேவி செல்லும் அரசு பேருந்தில் பயணம் செய்துள்ளார். இதனையடுத்து சித்ராலட்சுமி சேரன்மாகாதேவியில் இறங்கும் போது 3 பேர் கொண்ட கும்பல் அவரிடம் இருந்து பணத்தை திருடியுள்ளனர். இதனைப் பார்த்த சக பயணிகள் 3 பேரையும் கையும் களவுமாக பிடித்து சேரன்மாதேவி காவல் நிலையத்தில் ஒப்படைத்தனர்.
இதனையடுத்து காவல்துறையினர் 3 பேரிடம் நடத்திய விசாரணையில் அவர்கள் பேட்டை பகுதியில் வசிக்கும் காளி, திண்டுக்கல்லில் வசிக்கும் வள்ளி, விக்கிரமசிங்கபுரம் பகுதியில் வசிக்கும் லட்சுமி என்பது காவல்துறையினருக்கு தெரியவந்துள்ளது. மேலும் இது குறித்து வழக்கு பதிவு செய்த காவல்துறையினர் 3 பேரையும் கைது செய்துள்ளனர். மேலும் அவர்கள் மீது 5-க்கும் மேற்பட்ட வழக்குகள் உள்ளதாக காவல்துறையினர் தெரிவித்துள்ளனர்.