மர்ம கும்பலை சேர்ந்தவர்கள் தி.மு.கா நிர்வாகியை கத்தியால்குத்திய சம்பவம் பெரும் பரபரப்பை ஏற்படுத்தியுள்ளது .
திருச்சி மாவட்டத்தில் உள்ள திருவானைக்காவல் பகுதியில் 49 வயதான கண்ணன் என்பவர் வசித்துவருகிறார். இவர் தி.முக.வின் 4- வார்டு வட்ட செயலாளராக இருக்கிறார். இந்நிலையில் 5 மர்ம நபர்கள் கண்ணனின் வீட்டுக்குள் புகுந்து அவருடன் வாக்குவாதத்தில் ஈடுபட்டுள்ளனர் . அப்போது ஆத்திரமடைந்த அந்த மர்ம நபர்கள் தாங்கள் கொண்டு வந்த கத்தியால் கண்ணனை சரமாரியாக குத்திவிட்டு அங்கிருந்து தப்பி ஓடினர். இதனால் படுகாயமடைந்த கண்ணனை அருகில் உள்ளவர்கள் மீட்டு திருச்சி அரசு மருத்துவமனையில் சிகிச்சைக்காக அனுமதித்துள்ளனர்.
இதற்கிடையில் காயப்பட்ட கண்ணன் பேசிய ஆடியோ இணையதளத்தில் வெளியாக்கியுள்ளது. அதில் திருச்சியில் நடந்த மாநாட்டிற்கு 750 பேரை அழைத்து சென்றதுக்காக பகுதி செயலாளர் ஒருவர் தனக்கு 1 லட்சம் ரூபாய் பணம் தரவேண்டும். ஆனால் கடந்த 8 மாதமாக தர வேண்டிய பணத்தை கொடுக்காமல் அவர் ஏமாற்றி வருகிறார். அதனை கேட்டதற்கு மர்ம கும்பலை வைத்து தன்னை குத்தியதாக அந்த ஆடியோவில் கண்ணன் பேசியுள்ளார்.மேலும் இச்சம்பவம் குறித்து வழக்கு பதிவு செய்த காவல்துறையினர் கண்ணனை குத்திய மரம் கும்பலை தீவிரமாக தேடி வருகின்றனர் .