நிலைதடுமாறிய நபர் சாலையிலுள்ள தடுப்பு சுவர் மீது மோதி உயிரிழந்த சம்பவம் பெரும் சோகத்தை ஏற்படுத்தியுள்ளது.
மதுரை மாவட்டத்திலுள்ள செல்லூர் கீழத்தோப்பு பகுதியில் காசிமாயன் என்பவர் வசித்து வந்துள்ளார். இவர் அங்குள்ள உத்தங்குடி சாலையில் தனது இருசக்கர வாகனத்தில் வேகமாக சென்று கொண்டிருந்தார். இந்நிலையில் அவர் ஓட்டிச் சென்ற இருசக்கர வாகனம் நிலைதடுமாறி சாலையின் நடுவே உள்ள தடுப்புச் சுவர் ஒன்றில் வேகமாக மோதி விபத்துக்குள்ளானது.
இந்த விபத்தில் தலையில் பலத்த காயமடைந்த காசிமாயன் சம்பவ இடத்திலேயே பரிதாபமாக உயிரிழந்துவிட்டார். இதுகுறித்து தகவல் அறிந்த காவல்துறையினர் சம்பவ இடத்திற்கு விரைந்து சென்று காசிமாயன் உடலை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இது தொடர்பாக காவல்துறையினர் வழக்கு பதிவு செய்து தீவிர விசாரணை மேற்கொண்டு வருகின்றனர்.