சாலையை கடக்க முயன்ற நண்பர்கள்… பேருந்தால் ஏற்பட்ட விபரீதம்… சோகத்தில் குடும்பத்தினர்…!!

சாலையை கடக்க முயன்றபோது பேருந்து மோதி நண்பர்கள் 2 பேர் உயிரிழந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.

ராமநாதபுரம் மாவட்டம் கேணிக்கரை பகுதியில் ராஜேஷ் கண்ணன் என்பவர் வசித்து வந்துள்ளார். இவர் அப்பகுதியில் ஸ்டூடியோ ஒன்றை நடத்தி வந்துள்ளார். இந்நிலையில் சம்பவத்தன்று ராஜேஷ் கண்ணனும் அவரது நண்பர் பிரகாஷ் ஆகிய 2 பேரும் கார்கூட்டத்திற்கு சென்றுள்ளனர். இதனையடுத்து மீட்டும் அங்கிருந்து குயவன்குடி செல்வதற்காக ராமேஸ்வரம் தேசிய நெடுஞ்சாலையை கடக்க முயற்சி செய்துள்ளனர்.

அப்போது ராமேஸ்வரத்தில் இறந்து குமுளி நோக்கி சென்றுகொண்டிருந்த அரசு பேருந்து எதிர்பாராத விதமாக ராஜேஷ் மற்றும் பிரகாஷ் மீது மோதியுள்ளது. இந்த கோர விபத்தில் இருவருமே உடல் நசுங்கி சம்பவ இடத்திலேயே பரிதாபமாக உயிரிழந்துள்ளனர். இதுகுறித்து தகவலறிந்து சென்ற கேணிக்கரை காவல்துறையினர் உயிரிழந்தவர்களின் உடலை மீட்டு பிரேத பரிசோதனைக்காக மருத்துவமனைக்கு அனுப்பி வைத்துள்ளனர். மேலும் இச்சம்பவம் குறித்து வழக்குபதிவு செய்து விசாரணை நடத்தி வருகின்றனர்.