பெண்ணிடம் மணிபர்ஸ் திருடிய 2 பேரை காவல்துறையினர் கைது செய்துள்ளனர்.
திருநெல்வேலி மாவட்டத்திலுள்ள மானூர் பகுதியில் செண்பகம் என்பவர் வசித்து வருகிறார். இவருக்கு வேலம்மாள் என்ற மனைவி உள்ளார். இவர் நெல்லை அரசு மருத்துவமனையில் சிகிச்சை பெற்று வரும் உறவினருக்கு துணையாக இருந்து வந்துள்ளார். இந்நிலையில் வேலம்மாள் மகப்பேறு வார்டு அருகில் படுத்து தூங்கி கொண்டிருந்தார். அப்போது அங்கு வந்த 2 பேர் வேலம்மாளின் பர்சை திருடியுள்ளனர்.
இதனைப் பார்த்த அருகில் இருந்தவர்கள் 2 பேரையும் கையும் களவுமாக பிடித்து பாளையங்கோட்டை குற்றப்பிரிவு காவல் நிலையத்தில் ஒப்படைத்தனர். இதனையடுத்து காவல்துறையினர் அவர்களிடம் நடத்திய விசாரணையில் அவர்கள் நெல்லை பகுதியில் வசிக்கும் சிவா, சமாதானபுரம் பகுதியில் வசிக்கும் மதன் என்பதும் தெரியவந்துள்ளது. மேலும் இது குறித்து வழக்கு பதிவு செய்த காவல்துறையினர் 2 பேரையும் கைது செய்ததோடு அவர்கள் திருடிய மணிபர்சையும் பறிமுதல் செய்துள்ளனர்.